کوئٹہ (سنگر نیوز)بلوچ نیشنل موؤمنٹ کے مرکزی چےئرمین خلیل بلوچ نے مستونگ واقعہ میں پارٹی کے مرکزی سیکریٹری جنرل ڈاکٹر منان بلوچ اور ساتھیوں کی شہادت پر کوئٹہ پریس کلب میں پریس کانفرنس جسے کوئٹہ پارٹی کی خواتین رہنماؤں نے پڑھ کر پیش کیا اور کاپیاں پریس کلب میں پیش کیں ۔ہمیں انتہائی افسوس کیساتھ کہنا پڑ رہا ہے کہ بلوچستان کے ایک انتہائی قابل سیاسی استاد، باصلاحیت سیاسی کارکن، بلوچ نیشنل موومنٹ کے مرکزی سکریٹری جنرل ڈاکٹر منّان بلوچ گذشتہ روز پاکستانی سیکیورٹی فورسز کے غیر انسانی آپریشن میں ہم سے جدا کردئے گئے۔ ہفتہ 30جنوری 2016کی صبح پاکستانی فوج اور دوسرے ریاستی فورسز نے بلوچستان کے علاقہ مستونگ کلی دتو میں بی این ایم کے کارکن اشرف بلوچ اور حنیف بلوچ کے گھر پر حملہ کیا، گھروں کو لوٹا، اور گھر میں موجود بی این ایم کے مرکزی رہنما ڈاکٹر منان بلوچ، بی این ایم کے کارکن اشرف بلوچ، حنیف بلوچ، ساجد بلوچ اور بابو نوروز بلوچ کو بے رحمی سے شہید کیا۔( آپ صحافی گواہ ہیں کہ ہم نے ڈاکٹر منان بلوچ کے کئی پریس کانفرنس بی این ایم کی طرف سے اسی پریس کلب میں پڑھ کر بیان کی ہیں، مگر کل صوبائی وزیر داخلہ انہیں بی ایل ایف کا سربراہ اور انکاؤنٹر میں مارنے کا ڈرامہ پیش کرکے اس قتل کو جائز قرار دینے کی کوشش کر رہے ہیں۔ اس پر آپ حضرات کی لب کشائی کا خواہاں ہیں، تاکہ آپ کا فرض ادا ہو، اور شاید آئندہ سیاسی لیڈر اور کارکن ریاست کے اس شر سے بچ سکیں۔)
Advertisements
